★Филология факультеті
Француз тағамдарының байқауы
«Франкофониялық көктем» мерекесі аясында Қазақстан Республикасындағы Франция елшілігінің қолдауымен Шымкенттегі Француз альянсы 25 наурыз күні француз тағамдарының байқауын өткізді. Оған университетіміздің филология факультетінің «Заманауи тілдер және аударма ісі» кафедрасының студенттері, «Мирас» университеті, №20 гимназия ооқушылары, Шымкент қаласындағы Француз альянсының студенттері, сонымен қатар француз тілін сүйер қаламыздың қауымы қатысты.
Жарыс қала тұрғындарының сүйікті демалыс орны – Арбатта орналасқан 19.06. дәмханада өтті.


Байқауға дәмхананың бас аспазшысы Фаритов Айбек, менеджері Бұхарбаева Ақтолқын және бұрын Францияда, қазір Швейцарияда тұратын француз, таңғажайып өмірбаяны бар тұлға, инженер, кәсіпкер, саяхатшы, зерттеуші және тәжірибесі мол Ким Хоанг кірген өкілді қазылар алқасы бағалады. Бір сөзбен айтқанда, бұл жарысқа қатысып, жеңіске жету оңай шаруа емес еді. Марапаттар үш номинация бойынша берілді: entrée (салаттар, тiске басарлар), plats (ыстық тағамдар), десерттер (десерт).
Біздің студенттер үш номинация бойынша да үздік деп танылғанын атап өтуге болады: Андаркулова Ақмаржан, Шакарова Озода (ФИ-19 3 р2 тобы) «Lyonnaise» салаты, Алдияр Лейла (гр ФИ-20 7р) «Éclair» торттары және Жолдыбай Жанар (гр ФИ-19 3к4) «Ratatouille» тағамы үшін.
Сайыс соңында қазылар алқасы барлығын белсенді қатысқандары үшін жылы лебіздерін білдірді. Байқау барлық қатысушылардың француз тағамдарынан дәм татуымен аяқталды.
Ералиева З.Ж., «Заманауи тілдер және аударматану» кафедрасының аға оқытушысы


Басқа жаңалықтар

ОРТА АЗИЯНЫҢ ҮЗДІК СТУДЕНТІ
ОРТА АЗИЯНЫҢ ҮЗДІК СТУДЕНТІ Мемлекет басшысы Қасым-Жомарт Кемелұлы Тоқаев Қазақстан халқына арнаған «Жасанды интеллект дәуіріндегі Қазақстан: өзекті мәселелер ж

Құрметті студенттер мен магистранттар!
Құрметті студенттер мен магистранттар! 2025–2026 оқу жылынан бастап келесі білім беру бағдарламалары жаңартылды: 6B01730 – Шетел тілі: екі шетел тілі Негізгі өз

М. Әуезов атындағы Оңтүстік Қазақстан университетінің филология факультетінде «Smart Learning» жазғы мектебі өтті
2025 жылғы 9-нан 20 маусымға дейін М. Әуезов атындағы Оңтүстік Қазақстан университетінің филология факультетінде «Smart Learning: Лингводидактика және цифрлық қ