Рейтингтер мен жетістіктер

Университет студенті – әлем чемпионатының қола жүлдегері!

Мұхтар Әуезов атындағы Оңтүстік Қазақстан зерттеу университетінің «Спорт және туризм» факультеті, СТ-25-3К3 тобының студенті Шахжухон Эшмуратов кикбоксингтен өткен Әлем чемпионатында жүлделі III орынға ие болып, ел мерейін үстем етті.
Әлемдік дода Италияның Лидо-ди-Йезоло қаласында өтті. Жарысқа әлемнің 79 елінен 1500-ге жуық спортшы қатысып, кикбоксингтің түрлі бағыттары бойынша бақ сынады.
Шахжухон 71 келі салмақ дәрежесінде Low Kick дисциплинасы бойынша сынға түсіп, Әлем чемпионатының қола жүлдесін иеленді.
Жас спортшының бұл жетістігі – оның табандылығы мен тынымсыз еңбегінің нәтижесі ғана емес, сонымен қатар университетімізде білім алып жүрген студент жастардың спорттағы биік белестерді бағындырып жүргенінің жарқын көрінісі.
Шахжухонды Әлем чемпионатындағы қола жүлдесімен құттықтаймыз!
Бөлісу:TelegramWhatsApp

← Жаңалықтарға