Мәдениет және спорт

«Оқырман ұлт – кемел болашақ»: әдеби-пікірсайыс турнирі өтті

Мұхтар Әуезов атындағы Оңтүстік Қазақстан зерттеу университетінің Ақпараттық білім беру орталығы мен Жастар орталығы «Оқырман ұлт – кемел болашақ» атты университетішілік әдеби-пікірсайыс турнирін өткізді.

Турнирдің ашылу салтанатында университеттің әлеуметтік және тәрбие ісі жөніндегі проректоры Ғани Әбзелбекұлы Бесбаев сөз сөйлеп, қатысушыларға сәттілік тіледі.
Зияткерлік доданың мақсаты – жастардың кітап оқуға деген қызығушылығын арттыру, әдеби шығармалар арқылы ой-өрісін кеңейту және шешендік қабілетін дамыту.

Турнирге университеттің «Ақиқат» пікірсайыс орталығынан 20-ға жуық фракция қатысып, әдеби шығармалар бойынша білімдері мен пайымдарын ортаға салды. Қатысушылар өз ұстанымдарын дәйекті дәлелдермен қорғап, шешендік шеберлігі мен пікірсайыс мәдениетін танытты.

Кітап оқитын ұлт – кемел болашақтың кепілі. Жастардың кітапқа құштарлығы артып, білім мен парасатты ту еткен ұрпақ қатары көбейе берсін!
Бөлісу:TelegramWhatsApp

← Жаңалықтарға