★Аграрлық факультет
Аграрлық факультет биологиялық қауіпсіздік саласындағы ветеринария мәселелеріне арналған форум өткізді
2025 жылғы 22 сәуірде Аграрлық факультеттің «Ветеринарлық медицина» кафедрасы Ғылым айы шеңберінде «Биологиялық қауіпсіздік саласындағы ветеринарияны дамытудың міндеттері мен перспективалары» тақырыбында халықаралық форум өткізді.
Форумды М.Әуезов атындағы ОҚУ-нің ғылыми жұмыс және инновациялар жөніндегі проректоры, техника ғылымдарының докторы, профессор Ұланбатор Сүлейменов ашты. Өз сөзінде ол қазіргі уақытта биологиялық қауіп-қатерлерді болдырмау мәселесі әлемдік қоғамдастық үшін басым болып табылатынын атап өтті. Биологиялық қатерлерден туындайтын қауіптің нақтылығы мен дәрежесін толық көлемде бағалау және олардың алдын алу және жою бойынша шаралар қабылдау үшін барлық мүмкіндіктер мен ресурстарды пайдалану қажет.
Форумға қатысушыларға ауыл шаруашылығы ғылымдарының кандидаты, ҚР ҰАҒА корреспондент мүшесі, факультет деканы Г.Р. Тастанбекова; «Ветеринарлық медицина» кафедрасының меңгерушісі, PhD докторы А.Т.Күзербаева; "Санкт-Петербург мемлекеттік ветеринарлық медицина университеті» МБЖББМ, "В.Л. Якимов атындағы паразитология" кафедрасының меңгерушісі, м.ғ.д. Белова Л.М. құттықтау сөз сөйледі.
Форумда түрлі елдердің сарапшылары сөз сөйлегендіктен халықаралық тәжірибе алмасу форматын қамтамасыз етті. «В.Л.Якимов атындағы паразитология» кафедрасының меңгерушісі Лариса Белова паразиттік инвазияларды ерте анықтауға арналған заманауи технологиялар туралы айтып берді. С.Сейфуллин атындағы Қазақ агротехникалық зерттеу университетінің PhD докторы, қауымдастырылған профессоры Лаура Әутелеева тамақ және ветеринарлық қауіпсіздік туралы баяндама жасады. Орталық Қазақстандағы ірі қара малдың криптоспоридиозын талдаумен С.Сейфуллин атындағы КазАЗУ «Ветеринарлық медицина» кафедрасы профессорының м.а., в.ғ.к. Алтай Үсенбаев сөз сөйледі. «Микробиология, вирусология және иммунология» кафедрасының PhD докторы Самарқанд мемлекеттік ветеринарлық медицина, мал шаруашылығы және биотехнология университеті Адхам Базаров үй жануарларында стафилококктардың бөліну жиілігі және штаммдарды сәйкестендіру туралы баяндама жасады. Ветеринария ғылымдарының кандидаты, Қарақалпақстан ауыл шаруашылығы аграрлық институты мен агротехнологиялар «Зоотехния және ветеринария» кафедрасының доценті Арслан Жұмұратов Қарақалпақстан жағдайындағы жылқы мен түйенің трипаносомозы туралы айтып берді.
Форумның жағымды сәттерінің бірі баяндамашыларды ғылыми-зерттеу қызметіне қосқан үлесі және ветеринария ғылымы саласындағы жетістіктері үшін алғыс хаттармен марапаттау болды.



Басқа жаңалықтар

Ветеринарлық медицина
+ Сарыбаев Ыктияр Уалибекович PhD доктор, кафедра меңгерушісі Байланыс мәліметтері: Ғимарат №9 , 102 кабинет Жұмыс телефоны: 87252-32-23-37 + Жанбырбаев Мухтар

М.Әуезов атындағы ОҚУ-дың Аграрлық факультетінің бірінші курс студенттері Білім күнін мерекелік концертпен қарсы алды
1 қыркүйекте М. Әуезов атындағы Оңтүстік Қазақстан университетінде Аграрлық факультеттің бірінші курс студенттерімен салтанатты кездесу өтті. Шара жаңа оқу жылы

Халықаралық ынтымақтастық: Самарқанд мемлекеттік университетінің Ташкент филиалымен тәжірибе алмасу
М.Әуезов атындағы ОҚУ Аграрлық факультеті халықаралық әріптестікті белсенді дамытуды жалғастыруда. Оқу-әдістемелік және ғылыми ынтымақтастықты нығайту аясында «