Ғылым

Ғалымдарға «М.Әуезов атындағы ОҚУ-нің Құрметті профессоры» атағы берілді

М.Әуезов атындағы Оңтүстік Қазақстан университетінде өткен «Химия – 2026: ғылым мен өндірістің тұрақты дамуының негізі» атты халықаралық ғылыми-тәжірибелік конференция аясында отандық ғылым мен білімнің дамуына елеулі үлес қосқан көрнекті ғалымдарға университеттің ең жоғары марапаттарының бірі – «М.Әуезов атындағы ОҚУ-нің Құрметті профессоры» атағы табысталды. Аталған құрметті атаққа ие болғандар:
Жұрынов Мұрат Жұрынұлы – ҚР ҰҒА академигі, профессор, химия ғылымдарының докторы, ҚР Мемлекеттік сыйлығының лауреаты.
Наурызбаев Михаил Қасымұлы – Жаратылыстану ғылымдары академиясының академигі, техника ғылымдарының докторы, профессор, ҚР Мемлекеттік сыйлығының лауреаты.
Баешов Әбдуәлі Баешұлы – ҚР ҰҒА академигі, профессор, химия ғылымдарының докторы, ҚР Мемлекеттік сыйлығының лауреаты.
Жарменов Абдурасул Алдашұлы – ҚР ҰҒА академигі, техника ғылымдарының докторы, профессор, ҚР Мемлекеттік сыйлығының лауреаты.
«М.Әуезов атындағы ОҚУ-нің Құрметті профессоры» атағы – университеттің ғылым мен білім саласындағы ерекше еңбекті бағалауының белгісі. Бұл мәртебе аталған ғалымдардың еліміздің ғылыми қауымдастығындағы жоғары беделі мен көпжылдық жемісті еңбегінің айқын көрінісі болып табылады.
Бөлісу:TelegramWhatsApp

← Жаңалықтарға