Университет өмірі

«ZANDY KULKI»: Шымкентте республикалық жайдарман ойындары өтті

Қоғамда заң үстемдігін қалыптастыру, жастардың құқықтық мәдениетін арттыру және адалдық құндылықтарын дәріптеу – баршаға ортақ міндет.
Осыған орай ҚР Қаржылық мониторинг агенттігінің Шымкент қаласы бойынша Экономикалық тергеп-тексеру департаменті «Заңды күлкі» республикалық Жайдарман ойынын ұйымдастырды.
Әзіл кеші «Қызғалдақ» сарайында өтті. Өнер көрсеткен командаларға елімізге танымал өнер жұлдыздарымен қатар Мұхтар Әуезов атындағы Оңтүстік Қазақстан зерттеу университетінің Басқарма төрағасы – ректоры Мұхтар Төлеген де қазылық етіп, төрелік жасады.
«Заң мен тәртіп» қағидасы аясында өткізілген бұл іс-шара жастарға заңдылық пен жауапкершіліктің мәнін, интернет-алаяқтық пен қаржы пирамидаларының алдын алу жолдарын әзілмен жеткізіп, қоғамдағы өзекті мәселелерге бей-жай қарамауға үндейді.
Еліміздің әр өңірінен жиналған Жайдарман командалары өз өнерлерін ортаға салып, көрерменге көтеріңкі көңіл-күй сыйлап қана қоймай, маңызды қоғамдық мәселелерді де қозғады.
Осындай тағылымды бастамалар өскелең ұрпақтың азаматтық ұстанымын нығайтып, құқықтық сауатты әрі жауапкершілігі жоғары қоғам қалыптастыруға үлесін қосары сөзсіз.
Бөлісу:TelegramWhatsApp

← Жаңалықтарға